Правядзенне практыкумаў

Практыкум – гэта найбольш складаная частка складовай версіі 'заданне'. Практыкумы адбываюцца ў чатыры крокі :

  1. Ацэнка задання павінна быць раскладзена на некалькі складнікаў. Гэта табе дазволіць ацаніць работу студэнта найбольш аб'ектыўна, а студэнты будуць ведаць якім чынам іх ацэньваюць. На гэтым этапе роля выкладчыка заключаецца ў раздзяленні задання на складнікі, а затым падрыхтоўцы карты адзнак (Пра карту адзнак можна будзе даведацца больш на прысвечанай ёй старонцы).

    Калі складнікі ацэнкі ўжо падрыхтаваны, выкладчык павінен даслаць некалькі невялікіх прыкладных работ. Студэнты ў межах падрыхтоўкі да свайго задання павінны ацаніць гэтыя работы. Але перад гэтым работы ацэньваюцца выкладчыкам. Дзякуючы гэтаму, студэнты пазнаёмяцца не толькі з прыкладным рашэннем задання, але таксама з кваліфікаванай яго ацэнкай.

    Дасылка прыкладных рашэнняў выкладчыкам не абавязковая, а ў некаторых выпадках нават непажаданая.

  2. У гэтай фазе заданне ўжо адкрыта для студэнтаў. Калі выкладчык вырашыў правесці падрыхтоўку і дасылку прыкладаў, то ён можа запатрабаваць, каб студэнты ацанілі частку з іх. Пасля таго, як яны зробяць гэта, выкладчык мусіць выставіць балы за ацэнку студэнтаў, а кожны з апошніх павінен дасягнуць акрэсленага ўзроўню, перш чым зможа выслаць уласную работу. У гэтым прыкладзе "Узровень" устаноўлены 40%. Калі студэнту будзе залічана адпаведная колькасць ацэненых работ, ён можа даслаць сваю.

    Калі студэнт дашле сваю работу, выкладчык можа, калі пажадае, гэту работу ацаніць. Гэта ўступная адзнака можа быць залічана пазней пры канчатковай ацэнцы. Калі ўступныя адзнакі патрабуюцца, то іх можна выставіць як у гэтай фазе, так і пасля дасылкі ўсіх работ.

    Калі заданне прадугледжвае ацэнку ўдзельнікамі курса, то студэнты, якія выслалі свае работы, атрымліваюць для ацэнкі работы іншых студэнтаў. Калі ж яны закончаць ацэнку, астатнія ўдзельнікі курса змогуць яе ўбачыць (але не могуць рабіць каментарыяў). З іншага боку, выкладчык, калі захоча, можа налічыць балы за ацэнку работ іншых студэнтаў, і гэтыя балы будуць узяты пад увагу пры выстаўленні канчатковай адзнакі.

  3. Чарговы этап пачынаецца пасля таго, калі міне тэрмін прадстаўлення работ. Выкладчык пераводзіць практыкум ў чарговую фазу, падчас якой студэнты ўжо не прысылаюць і не ацэньваюць работ. Выкладчык, калі пажадае, можа яшчэ выставіць балы за адзнакі, якія студэнты выставілі сваім калегам. Але ў гэтым няма неабходнасці, калі кожная з работ ужо ацэнена некалькі разоў. У гэтым выпадку ўменне даваць "правільную ацэнку" кожным студэнтам можна здабыць з рэлятыўных крыніц. Выкладчык можа зараз падлічыць канчатковыя адзнакі. Звычайна канчатковая адзнака складаецца з трох кампанентаў : адзнакі за дасланую работу, выстаўленую выкладчыкам; адзнак, выстаўленых удзельнікамі курса; а таксама адзнакі за тое, як студэнт справіўся з ацэнкай іншых. Апошні кампанент можа ўключаць "адзнаку за ацэнку" прызнаную выкладчыкам за заўвагі студэнтаў. Выкладчык надае кожнай са складнікаў яе адсоткавы ўдзел у канчатковай адзнацы.
  4. Апошняя фаза практыкуму – гэта паказ студэнтам іх канчатковых адзнак. Выкладчык можа вярнуцца да больш ранніх этапаў, каб мець магчымасць, напрыклад, змяніць вагу асобных складнікаў. Гэтыя выпраўленыя адзнакі можна будзе зноў паказаць студэнтам.