Tailerreko atazak kudeatu

Tailerreko atazak ataza arruntak baino konplexuagoak dira. Pauso edo fase hauek jarraitu behar dira:

  1. Ataza EBALUAZIO-ELEMENTUTAN banatu behar da. Hala, kalifikazioa ez da hain arbitrarioa eta ikasleek ebaluazio-esparru bat dute. Elementuak irakasleak ezarri behar ditu, kalifikazio-orrialde batean (zehaztasun gehiago nahi baduzu, begiratu orrialde hori).

Ebaluazio-elementuak ezarri ondoren, normalean irakasleak zenbait adibide bidaltzen ditu. Praktika-lan txikiak dira, ikasleek ebaluazioak egin ditzaten, haien lanak prestatu aurretik. Ataza ikasleen eskura jarri aurretik, ordea, adibide horiek irakasleak ebaluatu behar ditu.Hala, ikasleek ataza burutzeko adibideak ez ezik, adibide horiek ebaluatzeko ereduak dituzte.

Irakasleak nahi badu bidaltzen ditu adibideak; izan ere, zenbait ataza egiteko adibideak bidaltzea desegokia izan daiteke.

  1. Gauzak horrela, ikasleek ataza eskura dute. Irakasleak, lanerako adibideak eskaini baditu, ikasleei lan horiek ebalua ditzaten eska diezaieke. Kasu horretan, irakasleak ebaluazio horiek kalifikatu behar ditu eta ikasleek estandar egoki bat erdietsi behar dute, haien lana bidaltzeko baimena eman aurretik. Estandar egokia %40 da. Ikasleek ezinbesteko ebaluazio-kopurua gainditzen dutenean bidal dezakete haien lana.

Ikasleek bidalitako lanak nahi izanez gero ebaluatzen ditu irakasleak. Irakaslearen ebaluazio ikaslearen azken kalifikazioari gehitzeko aukera dago. Ebaluazio horiek ataza bidaltzen den fasean edo atazak bidaltzeko epea bukatzen denean egin daitezke.

Kideek ataza ebaluatu behar badute, lanak bidali dituzten ikasleek kideen lanak ikus ditzakete, ebaluatzeko. Ebaluazioa egin ondoren kideek ikusteko aukera izango dute (baina ezingo dute iruzkinik egin). Irakasleak, ordea, ebaluazioa kalifikatu dezake, nahi duenean, eta puntuazio hori ikaslearen azken kalifikazioari gehitu diezaioke.

  1. Ataza bidaltzeko epea bukatu ondoren, irakasleak ataza hurrengo fasera pasatzen du; orduan, ikasleek ezin dute bidalketa edo ebaluazio gehiagorik egin. Irakasleak, hala nahi badu, ikasleek kideen lanen gainean egindako ebaluazioak kalifikatu ditzake. Lanek nahiko ebaluazio badituzte eta ikasleek kalifikazioan izandako partaidetza puntuazio erlatiboak medio zehaztu badaiteke, hori egitea ez da beharrezkoa. Gero, irakasleak ikasleen azken kalifikazioak kalkulatzen ditu. Azken kalifikazio horiek, normalean, hiru elementu dituzte: irakasleak lanari eman dion kalifikazioa, kideek emandako kalifikazioen batezbestekoa eta kalifikazioetan izandako partaidetza. Azken horretan sar daiteke ikasleen ebaluazioen gainean irakasleak emandako kalifikazioen batezbestekoa (hau da, ikasleen iruzkinen gainean irakasleak eman duen kalifikazioa). Irakasleak hiru osagai horiei pisua egokitzen die (neurketa-faktorea), azken kalifikazioa kalkulatu aurretik.
  2. Azken fasean ikasleek azken kalifikazioak ikus ditzakete. Irakasleak, nahi badu, atazan atzera egin dezake, adibidez, azken kalifikazioa kalkulatzeko pisuak egokitzeko; kasu horretan, ikasleek kalifikazioen berrikuspenak ikusteko aukera izango dute.